Parfumi për të cilin na është kërkuar më së shumti një review përgjatë gjithë muajit Qershor është pikërisht N°10 Désir du Coeur.
Përgatitu për lekurë limoni, myshk, amber dhe akorde 'spicy'. Do i ndjesh të gjitha, ndoshta-ndoshta që në nuhatjen e parë. Désir du Coeur qëndron në atë vijën ku bashkohet freskia me ngrohtësine. Nderkohë që në sprucimin e parë ndihet pak 'sharp', do kuptosh që është një krijim i balancuar vetëm përgjatë kohës që e ke vendosur në lëkurë. Désir du Coeur ka performancë te jashtëzakonshme, tepër potent dhe sa më shumë ta nuhasësh aq më shumë do e dëshirosh.
Kuriozitet: Ekziston një guidë nga Thomas Kosmala mbi artin e mbivendosjes së fragrancave (layering) për krijimet e tij dhe nëse ti njihesh me edicionet e Thomas Kosmala, do e kuptosh që nuk mund të gabosh kurrë në vendosjen e dy fragrancave Thomas Kosmala njëherësh.
Ndërlidhen në perfeksion.
Por nëse ti ke N°4 Apres l'Amour, vendose së bashku me N°10 Désir du Coeur dhe do rrëmbesh komplimente si kurrë më parë. Më falenderoni më vonë.