Fillojmë me notat e The Musc Extrait - në notat e sipërme ka kanellë dhe xhinxher; në notat e zemrës ka myshk dhe georgywood; në notat e bazës ka ambrofix, paçuli, ambrarome, mjaltë dhe sandal.
Në nuhatjen e parë do ndjeni akordet e kanellës por jo atë akordin e kanelles 'sharp'.
Xhinxheri është prezent në një nuhatje të thellë, por nuk arrij ta perceptoj në çdo nuhatje.
Kanella shkrihet me amberin, mjaltin, myshkun dhe notat drusore dhe blendohen kaq bukur sa shkon në një profil pak të ngrohtë. Mendoj se ndikon ambrarome për këtë.
Nota e mjaltit eshtë e ngrohtë dhe aspak gourmande.
Molekulat georgywood dhe ambrofix ndikojnë tepër në qëndrueshmërine e The Musc Extrait. Molekula georgywood i jep edhe pak atë aspektin e thatë-drusor dhe pak mineral, por shumë elegant.
Kur të ketë kaluar kohë nga sprucimi i The Musc Extrait, profili i ngrohtë do zëvëndësohet nga ndjesia më e pastër e një parfumi me myshk - i pastër dhe pak pudror. Një krijim fantastik i Calice Becker për Essential Parfums.