Mendoj që eshtë një nga të paktat krijime thuajse lineare të Tauer. Për fragrancat aromatike-të freskëta mendoj gjithashtu që duhet të karakterizohen disi nga aspekti linear.
Ka diçka për krijimet e Tauer që i diferencon tërësisht nga çdo shtëpi tjetër parfumesh e këtë nuk mund ta kuptosh kurrsesi nëse nuk ke nuhatur të paktën nje parfum Tauer. Ndonjëherë duket sikur nuk nuhat nota drejtpërdrejt. Imagjino! E njëjta gjë ndodh me L'Air Des Alpes Suisses.
Duket sikur nuhat ajrin alpin. E ndërkohë freskinë nuk e ka nga nota që ne shpesh jemi mësuar të nuhasim në parfumet e freskëta, si: bergamoti, limoni apo mandarina.
Ka livando, ambergris, zambak, pishë (pine needles), orkide, trumzë. Është aromatik. I targetuar unisex, por mendoj se mund të jetë lehtësisht një 'signature scent' perfekt për djemtë.