Dita e sotme i dedikohet Jovoy - Remember Me.
Keni provuar ndonjëherë çaj me qumësht? Tani, mendoni një çaj kardamomi me qumësht. Aromatik dhe spicy, në mënyrën më kremoze dhe 'velvety'. Limon, xhinxher, frangipani, nota drusore dhe vanilje. Sillni ndërmend aromën që ndjen kur grini në rende lëkurën e limonit. Në trajtë të tillë ndihet nota e limonit dhe tek Remember Me.
Një prekje si për të bërë gjithçka më mirë.
Nuk jam e sigurt nëse do i perceptoni të gjitha këto në nuhatjen e parë, por jam e sigurt që nuhatja e parë do pasohet me një çlirim të mimikës si për të treguar që Remember Me përmbushi të gjitha pritshmëritë tuaja. Asgjë nuk të përqafon më mirë se Remember Me, ndaj, nuhatja e dytë do pasohet nga një dashuri për Remember Me. Dhe ti do e kujtosh gjithmonë.
Këtu mbaron misioni i Remember Me dhe Cécile Zarokian, hunda pas një krijimi kaq fantastik.