I adhuroni dhe ju po aq sa ne fragrancat që sapo i nuhat, mendimi i parë që të vjen në mëndje është ‘Sa aromë e shijshme’? Në vija të përgjithshme, janë pikërisht këto fragranca ato të cilat konsiderohen Gourmand. Familja olfaktorike Gourmand është familja më e re e krijuar në botën e parfumerisë dhe pikënisja ishte Angel Eau de Parfum.
Thierry Mugler dëshironte të lançonte një fragrancë të jashtëzakonshme, tërësisht ndryshe nga ajo çfarë njerëzit ishin mësuar të përjetonin nga një parfum. Dëshira e tij për të kthyer kujtimet e fëmijërisë në një fragrancë, u plotësua në mënyrë absolute nga parfumieri Oliver Cresp. Nga nota e pambukut të sheqerit, tek notat e çokollatës, karamelit, vaniljes, mjaltit e shumë notave frutore, Angel shënoi revolucion në këtë industri, në të cilën për herë të parë u përdorën akordet ushqimore.
Angel Eau de Parfum shpesh etiketohet me fjalinë: ‘Angel is not a fragrance that follows trends. It sets them’ dhe kjo me të drejtë. Tashmë, mbas 3 dekadash, kjo fragrancë mbetet ikonike e markës Mugler. Dekadente, sensuale dhe e sofistikuar, Angel është epitomë e lirisë, e mishëruar në ngjyrën blu të shishes se saj, ngjyrë e cila ishte githashtu e preferuara e Thierry Mugler.
Related Posts
FIND YOUR SIGNATURE SCENT
Blog-posti ynë i parë i dedikohet tërësisht udhëtimit olfaktiv për të zbuluar fragrancën që i përshtatet më së miri kimisë…
WE LOVE CLASSICS! Men Edition
Nëse ekziston një marrëdhënie e pandashme me një parfum, gjasat janë të jetë krijuar me një fragrancë klasike. Është e…
SCENT OF THE DAY #SOTD
Është shtator, muaji që shënon zyrtarisht fillimin e vjeshtës. Kjo do të thotë që nuk do kemi mundësi të shijiojmë…