Është shtator, muaji që shënon zyrtarisht fillimin e vjeshtës. Kjo do të thotë që nuk do kemi mundësi të shijiojmë perëndimet magjike buzë detit të shoqëruara gjithmonë me një fragrancë që të rifreskon sa herë e vendos. Por, për ne, për adhuruesit e parfumeve, shtatori është muaji që presim me padurim dhe kjo për një arsye. Performanca e fragrancave të ngrohta gjatë sezonit të vjeshtës është e pakompromistë; thjesht e adhurueshme.
Është momenti të lëm pas cdo fragrancë që ju ka shoqëruar gjatë sezonit të verës, me shpresën se tashmë mbartin kujtimet e përjetimet më të bukura, e të zgjedhim fragrancën e rradhës.
Tom Ford Noir Extreme Eau de Parfum do rrëmbejë të gjithë vëmendjen tonë.
Pikënisja e koleksionit Noir, i cilësuar si surprizues, kompleks dhe enigmatik, ishte pikërisht në vitin 2012 me lancimin e Noir Eau de Parfum, e pasuar me edicionin Noir Eau de Toilette në vitin 2013 dhe Noir Extreme Eau de Parfum në vitin 2015.
Ndërkohë që Noir Eau de Parfum konsiderohet si ‘dark’, ‘bold’, enigmatik dhe Noir Eau de Toilette një edicion më dinamik, Noir Extreme zbulon një dimension tërësisht të ri të kësaj linje.
Në nuhatjen e parë, gjithcka që do përjetoni është një ndjesi luksoze, tepër intriguese për shqisat. Noir Extreme klasifikohet në fragrancat e ngrohta drunore (Amber Ëoody), por, që në fillim do kuptoni që ka një prekje gourmand-i, kjo për shkak të akordit të kulf-it. Kulfi është një ëmbëlsirë tradicionale indiane, e ngjashme me akulloren dhe shoqërohet me kardamom dhe shafran, nota të cilat gjithashtu janë prezente dhe dominuese në këtë fragrancë. Pra, e kuptuat që notat e para që do të ndjeni janë pikërisht kulfi, cardamom-i dhe shafran-i, të blenduara në perfeksion dhe të shoqëruara me notën e vaniljes gjatë gjithë eksperiencës me këtë aromë. Do perceptoni gjithashtu notën e trëndafilit dhe jaseminit të kamufluara me notat e drurit dhe amber-it,ku këto të fundit i japin thellësinë dhe sofistikimin e duhur.
Bëhuni gati të impresiononi këtë vjeshtë!
