Honey Aoud është padyshim një nga kompozimet më shpërthyese të shtëpisë së parfumeve Montale, por në momentin që e sprucon, ti kupton që ekziston një harmoni e jashtëzakoshme e notave të kësaj fragrance. Siç mund ta kuptoni edhe nga emërtimi i këtij parfumi, notat drunore dhe nota e mjaltit janë ato të cilat do ju shoqërojnë gjatë gjithë eksperiencës olfaktive me Honey Aoud. Ndërkohë që nota e drurit është ‘sharp’, mjalti vishet nga vanilja duke bërë që me kalimin e kohës të japin një ndjesi pakëz kremoze. Përpos tyre, nota e kanellës është gjithashtu dominues që në nuhatjen e parë. Gjatë proçesit të zhvillimit të aromës, do ndjeni notën e lëkurës (leather) gjë që nxjerr në pah akordin animalik, që për hir të së vërtetës këtu është minimalist, pasi kamuflohet nga notat florale. Në një frgrancë të ngrohtë spicy, nuk mund të mungojë kurrsesi amberi, i cili i jep thellësinë, ngrohtësinë dhe sofistikimin e duhur. Përgatituni për shumë amber dhe oud!
I ftohti është miku më i mirë i Honey Aoud, ndaj periudha e vjeshtës dhe sidomos e dimrit janë më të përshtatshmet për këtë parfum unik.
Kohëzgjatja dhe projeksioni i Honey Aoud është thjesht i adhurueshëm 10/10. Nuk është e nevojshme të spruconi më tepër seç duhet dhe kështu nuk do mungojnë as komplimentet e shumta që do të rrëmbeni!
SCENT OF THE DAY #SOTD
