Nëse ekziston një marrëdhënie e pandashme me një parfum, gjasat janë të jetë krijuar me një fragrancë klasike.
Është e vështirë të përshkruash me fjalë ndjesinë që parfume të tilla të japin, por një gjë është e sigurt: ato janë gjithmonë në modë. Ikonikë, të pazëvendësueshëm dhe për shumë prej nesh mbartin nostalgji dhe kujtime, fragrancat klasike, në një industri që zhvillohet kaq shpejt, i kanë rezistuar të gjitha kohërave dhe trendeve. Ne kemi përzgjedhur 9 fragranca klasike që mendojmë se do t’ju sjellin më pranë me këtë kategori parfumesh.
Paco Rabanne Pour Homme
Krijuar nga Jean Martel në vitin 1973, kjo fragrancë ka energjinë tipike maskuline, mjaft e sofistikuar për periudhën në të cilën është prodhuar. Akordet që dominojnë janë ato aromatike, notat drunore dhe të tokës, për shkak të përmbajtjes së myshkut të lisit (oakmoss), të kombinuara me ngrohtësinë e notave të Sherebelës Sclarea (clary sage), amber-it dhe mjaltit.
Jean Paul Gaultier Le Male
Krijuar nga Francis Kurkdjian në vitin 1995, Le Male nuk përfaqëson klasikun e zakonshëm; ai është një klasik modern, seduktiv, tërheqës dhe i ndërtuar mbi kontraste.
Armani Acqua di Gio
Krijuar nga Alberto Morillas, Annick Menardo dhe Christian Dussoulier, Acqua di Gio është padyshim aroma ikonike e markës Armani dhe klasiku më i dashur.
Calvin Klein Eternity
Krijuar nga Carlos Benaim në vitin 1990, Eternity është një nga klasikët që na impresionon më së shumti me performancën e tij dhe me mënyrën se si, pas kaq shumë vitesh, kjo fragrancë reflekton mashkullin modern.
Dior Fahrenheit
Krijuar nga Jean-Louis Sieuzac, Michel Almairac dhe Maurice Roger, në vitin 1988. Unik, surprizues dhe mjaft i sofistikuar, Fahrenheit është një blend i jashtëzakonshëm për çdo entuziast fragrancash.
Ralph Lauren Polo
Krijuar nga Carlos Benaim në vitin 1978, Polo është krijuar për të qëndruar përjetësisht. Një fragrancë klasike maskuline, në të cilën dominojnë notat e tokës, drunore dhe ato spicy.
Dior Dune Pour Homme
Krijuar nga Olivier Cresp dhe Jean-Pierre Bethouar në vitin 1997, Dune Pour Homme është frymëzuar nga arratisjet buzë detit, duke e bërë një fragrancë tërësisht në harmoni me natyrën. Shpesh e cilësuar si një fragrancë që mbart klasin e një xhentëlmeni, Dune Pour Homme kombinon kaq bukur notat e freskisë, ato drunore dhe oqeanike.
Versace Dreamer
Krijuar nga Jean-Pierre Bethouart në vitin 1996, The Dreamer transmeton elegancën spontane të mashkullit që nuk njeh limite. Një fragrancë e ngrohtë, sensuale, plot klas, The Dreamer kombinon notat aromatike e florale me ato të ngrohta dhe drunore.
Chanel Allure Homme
Krijuar nga Jacques Polge në vitin 1999, Allure Homme është klasiku që vështirë se mungon në koleksionin tuaj të parfumeve. Kompozuar nga notat e freskëta, spicy dhe drunore, harmonia e notave të kësaj fragrancë është mahnitëse.
Impact Digital Agency