Në këtë blog kemi përzgjedhur 10 krijimet më të mira të të gjitha kohërave nga Tom Ford. Që nga ndërthurja dhe kompleksiteti i notave e deri tek performanca dhe rrembimi i komplimentave, kjo është guida jonë për 10 udhëtime olfaktorike me Tom Ford.
Tom Ford prezantoi Cafe Rose, për herë të parë në vitin 2012, si pjesë të koleksionit Private Blend. Në vitin 2023, ri-lancon Cafe Rose si pjesë të koleksionit Signature Line. Krijuar nga Antoine Lie, Tom Ford Cafe Rose mbart të gjithë sensualitetin e lules së trëndafilit, por me një ‘twist’; ndërthurjen me notën e kafes.
TOM FORD LOST CHERRY
E veshur nga nota e bajames së hidhur; ndërtuar mbi kontrastin e krijuar nga akordet frutore – ‘juicy’ të qershisë, likerit të qershisë dhe kumbullës, dhe akordeve të ngrohta – drunore të drurit të sandalit, vaniljes, farës tonka dhe kanellës, Tom Ford Lost Cherry është një nga ato fragranca që do ta kategorizonim si ‘rich’, por njëkohësisht ‘cozy’ dhe të dashur.
TOM FORD FUCKING FABULOUS
Fucking Fabulous është kompleks. Nota e lëkurës, e veshur nga akordet spicy, livandos, irisit, sherebelës, vaniljes dhe bajames së hidhur, kjo fragrancë mbart një AND që kurrsesi nuk mund ta ngatërrosh.
TOM FORD TUSCAN LEATHER
Një krijim i sofistikuar me notën e lëkurës, duhet të jetë ekzaktësisht si Tuscan Leather. Ndërthurja surprizuese ndodh mes notës së lëkurës dhe mjedrës. Nëse jeni në kërkim të një parfumi me notën e lëkurës, vendosni Tuscan Leather në krye të listës suaj.
TOM FORD ROSE PRICK
Një buqetë e 3 llojeve trëndafilash (May Rose, Bulgarian Rose,Turkish Rose) që i ndjen padyshim përgjatë gjithë eksperiencës me Rose Prick. Një edicion floral – i ngrohtë, që mund ta shijoni përgjatë gjithë vitit.
Notat e para që do të ndjeni janë kulfi, cardamom-i dhe shafran-i, të blenduara në perfeksion dhe të shoqëruara me notën e vaniljes gjatë gjithë eksperiencës me këtë aromë. Do perceptoni gjithashtu notën e trëndafilit dhe jaseminit të kamufluara me notat e drurit dhe amber-it,ku këto të fundit i japin thellësinë dhe sofistikimin e duhur.
I sofistikuar, potent, me një performancë fantastike, ky është një nga ato parfume që ti nuk ndalon dot së nuhaturi. Akordet e lëkurës, kardamomit, amberit e paçulit, të veshura nga opulenca që karakterizon lulen e jaseminës, Tom Ford Ombre Leather është një eksperiencë olfaktorike që nuk duhet humbur.
Të gjithë e njohim Tom Ford Black Orchid – parfumin Best-Seller nga Tom Ford. Truffle, ylang-ylang, orkide, bergamot dhe mandarinë; ndërthurur me paçuli, vanilje dhe amber; Black Orchid është padyshim një nga fragrancat më ikonike të të gjitha kohërave.
Jacques Cavallier Belletrud, Harry Fremont and Olivier Cresp kanë krijuar një ‘masterpiece’. Pak ‘dark’ dhe njëkohësisht joshës, Noir de Noir zgjon çdo shqise tuajën. Nota e drurit, trëndafilit dhe e shafranit, janë notat që do ju shoqërojnë përgjatë gjithë këtij udhëtimi olfaktorik.
TOM FORD TOBACCO VANILLE
Opulent, ikonik, seduktiv dhe kompleks, Tom Ford Tobacco Vanille mund të klasifikohet lehtësisht si krijimi më i mirë ndër vite, nga Tom Ford. Nga vetë emri, nota e duhanit dhe vaniljes janë padyshim notat dominuese, ndërkohë që ndërthuren me kakaon, frutat e thata dhe farën e tonkës.
Impact Digital Agency