Nuk ka rëndësi sa parfume janë pjesë e koleksionit tuaj të parfumeve, Arabians Tonka do renditet gjithmonë ndër parfumet me performancën më mbresëlënëse. Arabians Tonka është krijuar për adhuruesit e aromave jashtëzakonisht të qëndrueshme e që lënë gjurmë kudo, ndaj nëse është hera e parë që ti nuhat këtë krijim, bëhu gati për një histori të re dashurie.
Përgjatë udhëtimit olfaktorik me Arabians Tonka do përjetosh një ‘rollercoaster’ emocionesh siç dhe ndodh me aromat komplekse, pasi në vetëm një sprucim ti merr dhjetëra ndjesi që as nuk di si ti përshkruash. Patjetër që notat e shafranit, amberit, sheqerit, tonka bean dhe notat drunore janë notat dominuese në këtë krijim. Tani mund të mendoni që kjo është një fragrancë ‘gourmand’, por në të vërtetë Arabians Tonka do e klasifikonim tek aromat ‘dry gourmand’; është një vijë e hollë që i diferencon këto dy kategori. Nëse ekziston një akord tipik për të identifikuar fragrancat Montale, është trëndafili, qoftë si një notë lidhëse apo si notë dominuese. Këtë herë, trëndafili është i kamufluar aq bukur, aq sa për ti dhënë një prekje të lehtë, por nuk do ketë asnjë moment ‘solo’ pasi gjatë gjithë kohës vishet nga amberi dhe tonka bean. Drydown-i është i adhurueshëm dhe mund të projektojë aq shumë sa rrëmben çdo kompliment. Për një parfum që “bërtet” kaq shumë, është e vështirë të besohet se notat janë të balancuara gati gati në perfeksion, aq sa mund të pohojmë që kjo është një fragrancë thuajse lineare.
Lançuar në vitin 2019, Arabians Tonka pozicionohet ende si parfumi më i shitur nga marka Montale dhe arsyen do e kuptoni pikërisht në momentin që do e nuhasni.
