Padyshim një nga lançimet më të suksesshme nga Jean Paul Gaultier; Le Male Elixir, më i zjarrtë se kurrë më parë, është një ftesë për të përjetuar edhe një herë magjinë e Le Male, por këtë herë me një intensitet që arrin të zgjojë çdo shqis.
Ndjesia e livandos dhe freskia e mentes, vishen nga akordet spicy dhe nga ngrohtësia e notave të vaniljes, benzoinit, mjaltit, tonkës dhe duhanit.
Siç të gjithë e dimë, krijimet e Jean Paul Gaultier karakterizohen nga ndërthurja e ngrohtë e notave. Por, Le Male Elixir, në ndryshim nga koleksioni Le Male, identifikohet lehtësisht edhe nga ëmbëlsia që e ndjeni që në nuhatjen e parë. Është pikërisht nota e mjaltit, një notë që për herë të parë në edicionet Le Male, shfaqet tek Le Male Elixir.
E klasifikuar si një aromë amber-fougere, krijuar nga Quentin Bisch, me një fuqi rrezatuese dhe e komplimentuar nga një aura joshëse, Le Male Elixir është tërësisht i parezistueshëm.
