Pse të gjithë po flasin për Essential Parfums dhe Bois Imperial?

Essential Parfums – Revolucioni i parfumerisë Niche 

Essential Parfums është një markë që po ndryshon rrënjësisht mënyrën se si e përjetojmë parfumerinë Niche. Themeluar në vitin 2018 nga Géraldine Archambault, kjo shtëpi franceze parfumesh lindi nga një vizion i qartë: ta bëjë parfumerinë Niche të aksesueshme nga të gjithë, pa kompromentuar cilësinë, kreativitetin dhe qëndrueshmërinë.

Me mbi 30 vite eksperiencë në industrinë e parfumeve, Géraldine vendosi të sfidojë normat tradicionale të një industrie shpesh të mbyllur, të shtrenjtë dhe të dominuar nga marketingu, duke rikthyer fokusin tek ajo që ka vërtet rëndësi: aroma dhe parfumieri (hunda pas aromës).

Essential Parfums beson se natyraliteti nuk duhet të jetë kurrë kompromis për performancën. Përbërjet e krijimeve të Essential Parfums përmbajnë nga 86% deri në 93% përbërës me origjinë natyrale, duke garantuar një aromë të fuqishme, me sillage të dallueshme dhe qëndrueshmëri të lartë.

Një fakt interesant për Essential Parfums është që alkooli që marka përdor është me origjinë bimore, i nxjerrë nga panxhari i sheqerit dhe i prodhuar lokalisht, duke reduktuar ndikimin mjedisor.
Parfumet janë gjithashtu pa ngjyrues të shtuar, duke ruajtur pastërtinë dhe autenticitetin e formulës.

Essential Parfums ndjek një filozofi minimale, autentike dhe shumë personale:

• Fokus absolut tek krijimi i aromës
• Transparencë totale mbi parfumierin që qëndron pas parfumit
• Çmime të drejta për parfume të jashtëzakonshme

Kjo qasje inovative bëri që parfumierët më të njohur në botë të bashkoheshin me markën, duke pranuar lirinë krijuese që Essential Parfums u ofron.

Në Essential Parfums, parfumerët nuk janë në hije – ata janë yjet kryesorë.

Mes emrave më të shquar që kanë kontribuar në koleksionin e markës janë: Quentin Bisch, Nathalie Lorson, Calice Becker, Sophie Labbé, Antoine Maisondieu, Bruno Jovanovic, Fabrice Pellegrin, Natalie Gracia-Cetto dhe Olivier Pescheux.

Bois Imperial – Ikona Moderne e Essential Parfums

Ndër aromat më të dashura dhe më të kërkuara të markës spikat pa dyshim Bois Imperial, një parfum që është shndërruar në best-seller global.

Krijuar nga Quentin Bisch, një nga parfumerët më të talentuar dhe novatorë të brezit të tij, ky parfum është një demonstrim i qartë i stilit të tij: i guximshëm, modern dhe magnetik.

Krijuarnë vitin 2020, Bois Imperial është ndjesia e vetëbesimit të qetë, stilit minimalist dhe luksit modern.

Borzilok Thai, nota drusore, vetiver, paçuli dhe ambroxan, për të krijuar një strukturë moderne dhe elegante, e njëkohësisht shumë të qëndrueshme. 

Bois Imperial qëndron përtej çdo pritshmërie.

Tashmë e gjeni ekskluzivisht në dy dyqanet Dimo Center në Tiranë.