Mizensir Vert Empire

Mizensir Vert Empire: I dashuruar me kopshtin e tij, mjeshtri i parfumeve Alberto Morillas shpreh këtu një kujtim të ëmbël të fundit të dimrit. I ftohti ende qëndron, ndërsa rrezet e para të pranverës afrohen. Pas disa muajsh në ‘orangery’ (serë e madhe ku rriten pemët e portokallit), agrumet më në fund rikthehen në kopsht, duke u rilidhur me natyrën. Një ritual që paralajmëron ditët me diell, por edhe gjallërinë aromatike dhe freskinë ‘zesty’ që e karakterizon.

Në Vert Empire, agrumet shkëlqejnë mes gjelbërimit përmes esencave të mandarinës dhe ‘petitgrain’. Freskia e mëngjesit, e shprehur nga ‘paradisone’ dhe një prekje kardamomi, bashkohet me aromën e tokës dhe intensitetin e notave drusore, lehtësisht minerale. Aleanca e drurit të sandalit dhe ambrox-it me ‘angelica’ dhe sherebelën qëndron si një bosht që i jep drejtim pemës, mes gjelbërimit të gjetheve dhe hidhësisë së ëmbël të agrumeve.