Mizensir Bois Iridescent

Iridisenca e Bois Iridescent nga Mizensir është njëkohësisht një homazh ndaj anës së zjarrtë dhe sensuale të Alberto Morillas (parfumier dhe themelues i Mizensir), por edhe ndaj natyrës së tij shumëdimensionale. Në këtë enigmë, qëndron magjepsja e një mjeshtri parfumesh për notat drusore, të cilat ai nuk ka reshtur kurrë së eksploruari. Përmes këtij kompozimi, Alberto Morillas na prezanton me Bois Iridescent, një fragrancë drusore- florale, e përshkuar nga një rreze drite.

Ndërkohë që, esencat e bergamotit dhe mandarinës ndezin karakterin diellor, ‘paradisone’ zbulon një freski gati të kristaltë. Një prekje pudrore dhe florale vjen nga irisi, i kompozuar me gjethe manushaqeje. Së bashku, ato formojnë zemrën e kësaj fragrance, e cila vazhdon me bazën drusore nga druri i sandalit. Patjetër, nota e amberit dhe myshkut janë prezente dhe do të arrini t’i ndjeni në ‘dry-down’.

Bois Iridescent është druri që merr jetë, një sublimim i këtij materiali fisnik që na transporton diku tjetër.