Parfumet boozy për këtë vjeshtë.

Po vjen sezoni i vjeshtës , ditët dhe mbrëmjet e freskëta dhe çdonjëri prej nesh është në kërkim të parfumit të ri që do të na shoqërojë. Vjeshta është koha perfekte për perfomancën e shumë fragrancave por në këtë blog kemi përzgjedhur një kategori të fragrancave; ato ‘boozy’. Do ta konsideronim si të mesmen e artë mes aromave komforte dhe atyre të zhurmshme.

Parfumet ‘boozy’ janë luksoze e të ngrohta, por më e rëndësishmja, karakterizohen nga akordet e pijeve alkolike, ku më të zakonshmet janë: rum, whiskey, konjak apo gin.

The Different Company Oud For Love

Nota dominuese? – Whiskey.

Një tribut kushtuar dashurisë, asaj ndjenjës së fortë dhe të pakontrollueshme. Krijuar nga Bertrand Duchaufour, Oud For Love është një fragrancë orientale-drusore.

Whiskey, shafran, iris, ylang-ylang, nota e drurit, amber dhe myshk, i japim padyshim personalitet Oud for Love. Nuk është fragranca e zakonshme me notën e drurit, me të cilën nuhatja jonë është e familjarizuar, por jepi pak kohë derisa notat të shkojnë drejt ‘drydown-it’. Surprizuese është nota e karamelit, të cilin do e ndjeni që në momentet e para. Oud For Love është padyshim një prezantim modern, ‘boozy’ dhe shumë pak ‘smoky’ i notës së drurit.

Storie Veneziane Mica D’oro

Gourmand Oriental, me vetëm 3 nota: rum, krem dhe vanilje, Mica d’Oro është fragranca më e ngrohtë gourmand. Me një profil ‘boozy’ Mica D’Oro është një eksperincë olfaktorike tërësisht ndryshe. Frymëzuar nga Venecia; intriguese, joshëse dhe tepër ‘smooth’,  Mica D’Oro përqafon lëkurën aq bukur e na tregon se si arrihet balanca perfekte mes tre notave të cilat nuk mund të blendohen aq lehtësisht.

Dorin Paris Bureau du Roi

Përmendi dikush whiskey?

Nuk ka festë pa whiskey, sikurse nuk ka festë pa Bureau du Roi.

Dorin Paris mbart një profil vintazh, në pothuajse të gjithë krijimet, por padyshim jo tek Bureau du Roi.

Përkundrazi, është kaq modern sa edhe surprizues. Në nuhatjen e parë do ndjesh menjëherë notën e whiskey-t, që vishet nga nota e lëkurës, drurit, vaniljes dhe paçulit.

Nëse nuk ke eksperimentuar me fragrancat ‘boozy’, e sigurt është që Bureau du Roi do jetë një eksperiencë tërësisht e re olfaktorike.