Nëse ti nuk rend mbas trendeve, por të pëlqen të ruash identitetin tënd, ky blog është për ty.
Montale mbart një ADN kaq identifikuese sa çdonjëri prej adhuruesve të fragrancave, nëse rastis të nuhasi një të tillë, mendon ‘Oh, kjo aromë duhet të jetë patjetër Montale’. Është vërtet e vështirë të veçosh një fragrancë Montale që ende nuk është kthyer në trend, por ne sot do ndajmë me ju, jo një, por tre Montale që ti të ndihesh i/e veçantë.
Ne do ti quanim ‘hidden gems’ – thesare të çmuara dhe ju do na jepni plotësisht të drejtë, sapo t’i nuhasni.
BLUE AMBER
Nuk ka asgjë për të mos e dashuruar këtë parfum. Blue Amber është kompleks dhe shumë surprizues, ndaj jepini pak minuta kohë derisa notat të harmonizohen në lëkurë. Amber dhe patçuli i sofistikuar, vanilje e ngrohtë, koriander por edhe pak bergamot aromatik, Blue Amber do jetë gjithmonë tërheqës dhe asnjëherë i mërzitshëm për shqisën e nuhatjes.
Padyshim që periudha vjeshtë-dimër është ideale për të shijuar performancën e këtij parfumi, që duhet ta themi, është 10/10.
INFINITY
Ndërtuar mbi kontrastet e akordeve frutore dhe notave të thella të lëkures, duhanit (tobacco) dhe notave drunore; tërësisht diskret, Infinity nuk përafron me asnjë krijim tjetër nga Montale. Në nuhatjen e parë mund të identifikohet lehtësisht qershia e zezë, pak e ëmbël dhe ‘smoky’, kumbulla si dhe notat drunore, nota të cilat do t’i ndjeni përgjatë gjithë udhëtimit olfaktorik me Infinity.
RENDEZ VOUS A MILAN
Rendez-Vous a Milan vërteton edhe një herë se eksperienca të tilla olfaktorike janë inspiruese për të gjithë adhuruesit e parfumeve. Në nuhatjen e parë do mendoni që notat e borzilokut dhe kokrrat e kafesë janë gjithcka që do ndjeni; madje duket sikur po nuhat dy parfume, njërin me bazë borziloku dhe aromë freskie, e tjetrin me bazë kafeje dhe nota të ngrohta. Vetëm pas pak çastesh, do ndjeni akordin e bananes, karamelit dhe vaniljes, të cilat shkrihen në një drydown të jashtëzakonshëm dhe unik. Art!
