Blog-posti ynë i parë i dedikohet tërësisht udhëtimit olfaktiv për të zbuluar fragrancën që i përshtatet më së miri kimisë së lëkurës së trupit tuaj (Signature Scent). Një udhëtim që cilësohet personal për këdo, që kërkon kohë e që ju transmeton emocione dhe përjetime të njëpasnjëshme. Përpos përputhjes së aromës me pH e lëkurës, signature scent duhet t’ju përfaqësojë ju e nëpërmjet të cilit prezenca juaj të identifikohet. Fragranca e përzgjedhur si e tillë, padyshim ju jep grimca lumturie çdo dite që e vendosni, rrëmben komplimente dhe nxjerr në pah më të mirën tuaj.
Nëse vendosni të filloni proçesin e përzgjedhjes së aromes tuaj, sigurohuni që të dini preferencat tuaj sipas notave olfaktive, por fillimisht të nuhasni aromat që anojne nga akordet neutrale ose të freskëta, e më pas të eksperimentoni me akordet më të qëndrueshme.
Njihuni me disa nga familjet olfaktive:
- Florale
- Të freskëta
- Orientale
- Drunore
Kur bëhet fjalë për parfumet, shpeshherë do të dëgjoni termat si: notat e sipërme(top notes), notat e mesme(middle notes) dhe notat e bazës(base notes). Nisur nga notat e sipërme tek ato të bazes, qëndrueshmëria e tyre rritet (notat e bazes janë më të qendrueshme) ndërkohë që avullimi i tyre nga lëkura ulet (notat e sipërme kanë tendencën të avullojnë më shpejt).
Nëse jeni në kërkim të një signature scent, ne mund t’jua lehtësojmë këtë proçes nëpërmjet ndihmës profesionale që mund t’ju ofrojmë.
